Охрид, 29. јули 2025 (ИНПРЕС) – Започна националната кампања за бесплатен и анонимен скрининг за хепатитис Б, хепатитис Ц и ХИВ, како и еластографија за хронични црнодробни заболувања.

Организатори се министерството за здравство, заедно со Хепар Центар Битола и клиниките за гастроентерохепатологија и инфективни болести, а по повод Светски ден за борба против хепатитисот, 28-ми јули.

Целта е подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб.

Националната кампања се реализира во 10 градови во државата, меѓу кои и Охрид и Струга. Караванот ќе биде во нашиот регион во петок, 1-ви август. Во Струга, во периодот од 10:00 до 12:30 часот, а во Охрид од 18:00 до 20:30 часот. (Крај)

извор: ИнПрес фото: архива