Охрид, 14. ноември 2025 (ИНПРЕС) – Вечерва ќе биде изведена интерактивната и едукативна претстава „Чувари на улицата“ на Изабела Јакимова, во рамки на проектот на Општина Охрид, Културата расте со децата „За сите деца“.
– Претставата преку песна, игра и театар им ја доближува на најмладите важноста на безбедното однесување во сообраќајот. Децата ќе ги научат боите на семафорот и нивното значење, најважните сообраќајни знаци, како безбедно да преминат улица и зошто е важно да внимаваме едни на други во сообраќајот. Претставата е наменета за деца од 3 до 10 години, но воедно е уживање и за возрасните – бидејќи сите заедно учиме како да бидеме побезбедни на улиците, велат организаторите.
Почетокот на претставата е во 19:00 часот во Трговскиот центар Ohrid Mall. (Крај)
извор: ИнПрес фото: архива
