Охрид, 8. јули 2025 (ИНПРЕС) – Нивото на водата во Охридското Езеро и понатаму е под просекот за овој период од годината.
Според денешните мерења на Управата за хидрометеоролошки работи на Република Македонија (УХМР), нивото на водата во езерото е на кота од 693,44 м.н.в што е за 14 сантиметри под просекот за овој месец (693,58 м.н.в) и 34 сантиметри над минимално дозволената кота (693,10 м.н.в). Температурата на езерската вода, измерена утрово е 25 степени и е за 1,5 степени повисока од просекот.
Од почетокот на месецов се бележи благо намалување на водостојот, до денес за два сантиметри.
Во Охрид денес сончево и многу топло време со мала до умерена локална облачност. Ќе дува слаб до умерен ветер од југозападен правец. Максималната температура ќе се искачи до 33. степени.
– Денеска ќе се задржи многу топло време, а во попладневните часови ќе има услови за изолирана појава на нестабилност. Ќе дува умерен, а во западните делови засилен ветер од југозападен правец (над 60 km/h). Поради продор на посвежа воздушна маса од север и засилен северен ветер (над 60 km/h) во среда, а особено во четврток ќе има значително опаѓање на дневната температура (од 8 до 10 степени). Во среда претежно во северните делови ќе има услови за повремен дожд, а во петок локална нестабилност со пороен дожд и грмежи, информираат од Управата за хидрометеоролошки работи на Република Македонија (УХМР). (Крај)
извор: ИнПрес фото: ИнПрес/УХМР
