Охрид, 29. мај 2025 (ИНПРЕС) – Нивото на водата во бележи тренд на зголемување, но и понатаму е под просекот за овој период од годината.

Според денешните мерења на Управата за хидрометеоролошки работи на Република Македонија (УХМР), нивото на водата во езерото е на кота од 693,45 м.н.в што е за 20 сантиметри под просекот за овој месец (693,65 м.н.в) и 35 сантиметри над минимално дозволената кота (693,10 м.н.в). Температурата на езерската вода, измерена утрово е 15 степени и е во рамки на просекот.

Од почетокот на месецов водостојот е покачен за 7 сантиметри, а на денешнава кота се одржува повеќе од една недела.

Во Охрид денес променливо облачно време со сончеви периоди. Ќе дува слаб до умерен ветер од северен правец. Максималната температура ќе се искачи до 22. степени.

– Во петок и во сабота ќе дува умерен до засилен северен ветер и ќе има изолирана појава на пороен дожд. Од недела следува период на претежно стабилно и топло време со значителен пораст на дневните температури, информираат од Управата за хидрометеоролошки работи на Република Македонија (УХМР). (Крај)

извор: ИнПрес фото: ИнПрес/УХМР