Охрид, 8. мај 2025 (ИНПРЕС) – Од утре до недела ќе се одржи петтото издание на националната иницијатива за чистење за почиста и позелена иднина „Генералка викенд“, а и годинава во рамки на истата ќе се чисти и во Охрид.
Утре од 09:00 часот ќе се чистат дворовите на основните, средните училишта и факултетите. Во сабота, во истиот термин е предвивено чистење на плажите од Метропол до Лагадин и од Грашница до Далјан, како и потегот од мостот кај каналот „Студенчишта“ до Горица.
Покрај Охрид, ќе се чисти и на неколку локации во соседните општини Струга и Дебрца.
Целта на акцијата што ќе се реализира во сите општини во Република Македонија е подигнување на еколошката свест за одговорност кон животната средина и природата. (Крај)
извор: ИнПрес фото: архива
