Охрид, 13. јуни 2025 (ИНПРЕС) – Денес официјално ќе биде пуштен во употреба реконструираниот магистрален пат Охрид – Св.Наум во должина од 24,3 километри.
На настанот ќе присуствува претседателот на Владата, Христијан Мицкоски.
Инвестиционата вредност за рехабилитација на овој патен правец е 11,7 милиони евра, средства обезбедени од буџет на Јавното претпријатие за државни патишта (ЈПДП).
– Со реконструкцијата заради зголемување на безбедноста во сообраќајот како и прегледност на патот се изврши и растеретување на косини од нестабилен карпест материјал и се монтираше заштитна челична мрежа на косините, потенцираа неодамна од ЈПДП.
Додаваат дека со рехабилитација на оваа главна туристичка сообраќајна делница се подигнува безбедноста во сообраќајот и се обезбедува квалитетна патна врска од Охрид до манастирскиот комплекс „Св. Наум“. (Крај)
извор: ИнПрес фото: архива
