Охрид, 3. декември 2025 (ИНПРЕС) – Деновиве се очекува да бидат објавени добитниците на наградата и повелбите Патрон на градот „Св .Климент Охридски”.
Како што веќе објавивме, за највисокото општинско признание се поднесени пет, додека за повелбите десет апликации. Комисија ги разгледува пристигнатите предлози и треба да донесе одлука за добитниците најдоцна до 7- ми декември.
Конкурси за доделуавање на награда и повелби се објавуваат секоја година, по повод 8. Декември, „Св. Климент Охридски“. Наградата се доделува за животно дело, односно долгогодишни остварувања и врвни достигнувања во сите области од општествениот живот кои се од особено значење за Општина Охрид и кои имаат голем придонес во нејзиниот развој, напредок и севкупна афирмација во Република Македонија и светот. Се доделува на еден добитник, само еднаш. Повелбите се доделуваат за остварувања и достигнувања во сите области од општествениот живот кои се од особено значење и имаат посебен придонес во равојот и севкупниот напредок и афирмација на Општина Охрид во Република Македонија и во светот, во период од една година, а може да се додели максимум на пет добитници.
Минатата година д-р Павле Митрески годиби најпрестижното општинско признание, наградата Патрон на градот Св. Климент Охридски, додека добитници на повелби беа Клубот за подводни дејности Охрид и Здружението на граѓани НАТГ „Аматер“ од Охрид. (Крај)
извор: ИнПрес фото: ИнПрес