Охрид/Скопје, 8. јули 2025 (ОХРИДПРЕС) – Игуменот Георгиј, кого Синодот на МПЦ-ОА го избра за иден Митрополит на Дебарско-кичевската епархија стана Архимандрит.
Чинот на ракополагање го извршил Архиепископот Стефан на вчерашната литургија во црквата Свети Јован Крстител во Капиштец, Скопје.
Со едногласна одлука на Светиот архиерејски синод на МПЦ-ОА, на 12-ти јуни игуменот Георгиј беше избран за митрополит на Дебарско-кичевската епархија. Наречението на новоизбраниот Митрополит ќе се изврши на Петровден, на 12-ти јули во храмот „Св. Климент Охридски и Св. Пантелејмон“ на Плаошник. Епископската хиротонија и интронизацијата за Митрополит Дебарско-кичевски ќе се изврши на 13-ти јули, на Павловден, во Соборниот храм на Охридските архиепископи „Св. Софија“ во Охрид. (Крај)
извор: МПЦ-ОА/ОхридПрес фото: МПЦ-ОА
