Охрид, 7. јули 2025 (ИНПРЕС) – Министерот за надворешни работи и надворешна трговија, Тимчо Муцунски вечерва во Охрид ќе го пречека албанскиот министер за надворешни работи Игли Хасани.
Фокусот е на билатералната соработка, економијата, инвестициите и европската интеграција.
Муцунски денеска е во Хаг, заедно со директорот на Дирекцијата за технолошки индустриски развојни зони, Гоце Димовски. Ќе има средба со шефот на холандската дипломатија Каспар Велдкамп, а во Холандска агенција за претпријатија со Димовски ќе ги презентираат инвестициските можности што ги нуди нашата земја во функција на привлекување нови холандски инвестиции.
Министерот Муцунски најави дека деновиве ќе биде и домаќин на катарскиот министер, а неделата ќе ја заокружи со учество на „Дубровник форумот“. (Крај)
извор: ИнПрес фото: архива
