Охрид, 16. декември 2025 (ИНПРЕС) – Во недела, 21-ви декември, ќе се одржи посебен, емотивен и весел настан посветен на нашите крзнени, пердувести и ситни пријатели „Ден на миленичињата – Љубовта ни е заедничка“, информираат од Пет шоп „Сирена“.

Предвидени се повеќе содржини како ревијално претставување на миленичињата, натпревар „Најдобро уредено милениче“, едукативно предавање од ветеринар за грижа, исхрана и здравје, презентација на брендови за храна и опрема за миленичиња и едукативна детска програма – „Љубовта ни е заедничка“.

– Сите миленичиња треба да бидат под постојан надзор на сопственикот, со основна хигиена и по можност уредна вакцинација. Пријавувањето е задолжително преку онлајн формуларот: https://forms.gle/98RYtNn5dVGc8mGC7, додаваат од „Сирена“.

Настанот ќе се одржи во трговскиот центар OhridMall (прв кат) со почеток во 13:00 часот. (Крај)

извор: ИнПрес фото: архива