Струга, 24. јули 2025 (ИНПРЕС) – Во недела, 27-ми јули, во струшкото село Мислешево ќе биде прославен јубилејот – 125 години од возобновувањето и осветувањето на храмот Св.Јован Крстител.
По повод овој овој голем јубилеј од 09:00 часот ќе се служи Света архиерејска литургија со која ќе чиноначалствува високопреосветениот Митрополит Дебарско – кичевски г. Георгиј. Ова ќе биде негова прва посета на струшкото архиерејско намесништво по неговата интронизација за митрополит.
Истиот ден ќе биде осветен новоизградениот трем на храмот, што се градеше последниве две години.
По завршување на богослужбата ќе следи голема народна веселба. (Крај)
извор: ИнПрес фото: архива
