Охрид, 4. март 2025 (ИНПРЕС) – Иницијативата „Збогум Буково“ со нова еко иницијатива.

Оваа сабота, на Денот на жената, покренуваат осмомартовска кампања за садење 100 дрва во Охрид. Дојдете и засадете дрвце во чест на вашите мајки, сестри, сопруги, другарки, внуки, баби, стои во најавата за кампањата.

– Дојдете во сабота кај охридската марина и засадете дрвце за да ја прославите незаменливоста на жените во вашите животи. Имаме 100 чинари и јавори кои треба да го красат каналот во Охрид и да сведочат за нашата посветеност како заедница во градењето на здрава и убава иднина за нашите деца, порачуваат од „Збогум Буково“.

Ќе се садат дрва како што велат кај охридската марина, односно просторот околу каналот „Студенчишта“, а почетокот на акцијата е во 12:00 часот. (Крај)

извор: ИнПрес фото: архива