Охрид, 11. март 2025 (ИНПРЕС) – Охридската каратистка Анастасија Смилевска од клубот „Кун-Су-То“ го освои првото место на меѓународниот турнир Grand prix Macedonia, што се одржа во Скопје.
Златниот медал го освои во категоријата кумите кадети жени до 61 килограм.
Во финалната рунда беше подобра од натпреварувачка од Бугарија, а во претходните рунди веше подобра од нејзина сонародничка и од натпреварувачка од Србија.
На турнирот учествуваа 758 каратисти со 1138 натпреварувачки влезови од 91 клуб од 15 држави. Севкупно, македонските каратисти освоија 157 медали од кои 41 златен, 33 сребрени и 83 бронзени. (Крај)
извор: ИнПрес фото: архива
