Охрид, 8. април 2025 (ИНПРЕС) – ЈП „Водовод“ Охрид како дел од тековните активности, започна со втората фаза, поставување и поврзување на новиот цевковод со новата препумпна станица Шипокно.

Претходно, во првата фаза во населбата Св.Стефан-Шипокно, поставен е нов цевковод со профил ф110 мм во должина од 621 метри.

– Со цел да се обезбеди стабилно и континуирано водоснабдување, поставени се и поврзани пумпи MZT 5, MSSI 40-4 и електромашинска опрема, за што беше направена и комплетно целосна инсталација за поврзување на пумпите со новиот цевковод, велат од претпријатието.

Средствата за овој зафат во вредност од 468.360 денари се обезбедени од буџетот на Општина Охрид. (Крај)

извор: ИнПрес фото: архива