Охрид, 11. јуни 2025 (ОХРИДПРЕС) – Делегација на вооружените сили на Унгарија, предводена од началникот на Генералштабот, генерал Габор Беренди престојува во дводневна официјална посета на Армијата на Република Македонија.
По приемот со високи воени почести, во Кампот за обука на вода во Охрид, генерал Беренди оствари средба со својот домаќин, началникот на Генералштабот на Армијата, генерал-мајор Сашко Лафчиски.
Во рамки на заедничката обука со специјалните вооружени сили на Унгарија беше изведена методско-показна вежба „Препад на пловен објект и командно место“, како и тактичко- технички збор на кој беше прикажана дел од опремата која се користи за време на обуката.
На официјалниот состанок, делегацијата од вооружените сили на Унгарија беше запознаена со процесот на трансформација и модернизација на Армијата на Република Македонија, структурата на специјалните сили, билатералната соработка помеѓу нив и капацитетите на АП „Криволак“. (Крај)
извор: ОхридПрес фото: ОхридПрес
