Охрид, 31. јули 2025 (ИНПРЕС) – Полицијата во два одделни случаи пронајде дрога во возило на прилепчанец и кај лице од село Брвеница.

На 30-ти јули 2025 година во 21:25 часот, на паркинг простор пред ноќен клуб лоциран во туристичкиот комплекс „Горица“ во Охрид, приведен е 21-годишниот Х.И. од Прилеп, во чие возило „ауди“, полициските службеници од криминалистичката полиција при СВР Охрид, пронајдоа и одзедоа опаковка со марихуана.
На службен разговор во СВР Охрид, повикани се и сопатниците во возилото Л.С.(21) и Б.Г.(21), двајцата од Прилеп. По целосно документирање на настанот, СВР Охрид ќе поднесе соодветна пријава.

На 30-ти јули 2025 година во 00:45 часот, на паркинг простор пред ноќен клуб лоциран во туристичкиот комплекс „Горица“ во Охрид, лишен од слобода е Ж.Р. (30) од тетовското село Брвеница. При извршен преглед, полициските службеници од криминалистичката полиција при СВР Охрид, кај него пронајдоа и одзедоа паковки со бела прашкаста материја.
По целосно документирање на настанот, против него ќе биде поднесена соодветна пријава. (Крај)

извор: СВР Охрид фото: архива