Дебрца, 4. јуни 2025 (ИНПРЕС) – Полициски службеници од отсекот за превенција при СВР Охрид одржаа работна средба со месното население од селата Орман, Подмолје, Оровник, Горенци, Мешеишта, Требеништа, Волино и Песочани од Општина Дебрца.
– Средбата претставува превентивно-едукативна кампања за подигнување на јавната свест за потребата од заштита на шумите од пожари во која, полициски службеници низ непосредна комуникација со месното население, ги потсетуваат на општите мерки за заштита од пожар, на посебните превентивни мерки и препораки за заштита на шумите од пожари и на вегетацијата на отворен простор, почитување на правилата за безбедност при движење низ шумските појаси, информираат од СВР Охрид.
Полициските службеници посебно ја нагласија потребата од итно известување за евентуално настанат пожар што ќе значи брза реакција на надлежните служби за негово локализирање и целосно гаснење по што, на граѓаните им поделија флаери со едукативна содржина. (Крај)
извор: ИнПрес фото: архива
