Охрид, 17. јуни 2025 (ИНПРЕС) – Во завршна фаза е санацијата на утврдените недостатоци во Центарот за култура „Григор Прличев“ што се однесуваа на поставување громобран, апарат за брза детекција на пожари и хидрантската мрежа, изјави за Супер радио и InPress директорот Горан Стојаноски.
Потенцира дека хидрантска мрежа е веќе компелтирана, а периодов ќе се работи на инсталација на апарат за брза детекција на пожари.
– Работите се прикрај, хидрантот е готов, завршен, собрани се понуди за апаратот за детекција на пожар, да го пуштиме тендерот за некој ден и да почне да се инсталира. Громобранот е набавен треба да се монтира. Работите се во завршна фаза, но не зависи сѐ од нас, рече Стојаноски.
Во однос на целосно комплетирање на зафатите, Стојаноски се надева дека би завршиле до крај на месецов .
Од почетокот на мај во Центарот за култура времено е прекинато одржувањето на настани поради неисполнување на одредени технички услови и санирање на утврдени недостатоци. (Крај)
извор: ИнПрес фото: ИнПрес
