Струга, 11. ноември 2025 (ОХРИДПРЕС) – Стружанецот Ердал Лушо со неговиот „Пиксел“ ја започна легендарната трка „Светски предизвик на Атлантикот“, каде сам ќе плови неверојатни 40 дена, во обид да го премине Атлантикот, од Португалија до Карибите.

Од вкупно 18 учесници, само 8 успеаа да ги поминат елиминациите. Натпреварувачите Лисабон отпловија до Сагреш избегнувајќи ги орканските ветрови. Според последните податоци стартот од Сагреш кон Тенерифе е поместен за неколку дена.

За потсетување Лушо неодамна успеа да ги изедри неопходните 400 наутички милји без престан и се квалификува за место помеѓу ретките луѓе во светот кои ќе бидат дел од трката каде сам ќе плови неверојатни 40 дена, во обид да го премине Атлантикот, од Португалија до Карибите.

Напредокот можете да го следите на неговиот профил на Instagram, неговата  веб страна, преку whydonateможете и да го поддржите неговиот подвиг, а дел од средствата ќе бидат наменети и за поддршка на локалниот едриличарски клуб во Струга, ЕК „Снегар“, за купување на чамци и опрема потребни за одржување на едрењето за младите од градот.

Супер радио и InPress ќе го следат неговиот подвиг, а на Ердал му посакуваме многу среќа и мирно море со толку ветер колку што е потребно за неговиот Пиксел сигурно и брзо да стигне до Карибите. (Крај)

извор: ИнПрес фото: Ердал Лушо