Охрид, 5. ноември 2025 (ИНПРЕС) – Во организација на НУ Завод за заштита на спомениците и Музеј Охрид, утревечер во Куќата на Робевци, ќе биде отворена изложбата „Охрид преку делата на Славко и Никола Упевче“.
– Ателјето и галерија „Упевче“, во чест на 7 Ноември, од истоимената улица, во текот на месецот ќе гостува во охридскиот музеј „Куќата на Робевци“. Ќе бидат изложени дела од колекцијата на уметниците Славко и Никола Упевче: „Охрид во минатиот век преку цртеж, акварел, акрил и пастел“ – Славко Упевче, „Мозаична мапа на град Охрид и Лихнид“, откриваат од галеријата дел од деталите за изложбата.
Изложбата ќе биде отворена во 18:00 часот. (Крај)
извор: ИнПрес фото: архива
