Основен суд Охрид
Скопје, 6. март 2025 (ИНПРЕС) – Советот на јавните обвинители на Република Македонија на утрешната седница ќе избира вкупно 47 јавни обвинители во 18 различни обвинителства низ државата.
Најмногу, 14, ќе бидат избрани во Основното јавно обвинителство во Скопје.
Во охриското јавно обвинителство ќе бидат избрани тројца, додека во Струга еден јавен обвинител.
– По еден јавен обвинител: Велес, Делчево, Кочани, Крива Паланка, Радовиш, Ресен, Струга. По двајца обвинители ќе бидат избрани во: Битола, Гевгелија, Гостивар, Кичево, Струмица. По тројца обвинители ќе се избираат во: Куманово, Охрид, Прилеп, Штип. Во Основното јавно обвинителство во Тетово треба да бидат избрани четворица обвинители. информираат од Советот.
Претседателката Душица Димитриеска неодамна изјави дека состојбата е алармантна и моментално недостигаат околу 100 јавни обвинители, така што оваа бројка од 47, би ја ублажила состојбата во одредена мера. (Крај)
извор: ИнПрес фото: ИнПрес
