АК Охрид со неколку одличја на Националниот куп во фрлачки дисциплини

Скопје/Охрид, 26. февруари 2024 (ИНПРЕС) – Атлетичари од АК Охрид освоија неколку медали на Националниот куп во фрлачки дисциплини што вчера се одржа во Скопје, за почеток на новата сезона во македонската атлетика.

– Стефан Стефаноски учествуваше во дисциплините фрлање ѓуле, диск и кладиво. Во фрлање ѓуле оствари нов личен резултат 11.03 м освојувајќи го четвртото место. Во фрлање диск тој го освои првото место со резултат 47.04 го освои првото место, продолжувајќи ја доминацијата како државен првак во истата, додека во фрлање кладиво беше на третото место со резултат 26.08 м.

Блаже Љушев учествуваше во фрлање ѓуле – 8.56 м (6-то место), во фрлање диск – 23.92 личен резултат и фрлање копје – 32.92 исто така личен резултат и го освои второто место, информираат од клубот.

Атлетичарите во периодот што претстои ќе се подготвуваат за следните натпревари што ги очекуваат. (Крај)

извор: ИнПрес фото: архива