Бан Ки Мун во посета на Грција

Атина, 11. јуни 2016 (ИНПРЕС) – Генералниот секретар на Обединетите Нации, Бан Ки Мун, од 17 до 19 јуни ќе ја посети Грција со широка агенда која ги опфаќа бегалската криза, спорот за името и кипарското прашање.

Прва станица на Ки Мун ќе биде Атина каде ќе се сретне со грчкиот премиер Алексис Ципрас и претседателот Прокопис Павлопулос, средби на кои може да се очекува да се покрене прашањето околу преговорите меѓу Македонија и Грција за спорот за името.

Следниот ден, 18 јуни, Ки Мун ќе замине за Лезбос на покана на градоначалникот Спирос Галинос. На Лезбос, островот каде има и најголем број бегалци, околу 4000 Ки Мун ќе го посети бегалскиот центар, ќе има средби и разговори со бегалци, баратели на азил, но и со волонтерите и невладините организации со цел да добие слика какви се условите за живот и ситуацијата на бегалците во грција. Тој ќе се сретне и со градоначалникот Галинос, кој е под голем притисок на граѓаните да најде начин да ја нормализира и смири бегалската ситуација на островот која последниот период е тензична поради зачестените инциденти и судири меѓу бегалците, во кои пред една недела изгоре половина од бегалскиот центар. Ки Мун најави дека посетата е со цел да изрази солидарност со бегалците, но и се испитаат условите и ситуацијата во која се наоѓаат луѓето во бегалските центри во Грција во пресрет на септемврискиот меѓународен состанок за бегалската криза во ОН. (Крај)

извор: Локално фото: архива