Сараево, 10.октомври 2015 (ИНПРЕС) – Босна и Херцеговина планира да поднесе барање за полноправно членство во Европската унија кон почетокот на 2016 година, беше соопштено на состанокот на членовите на Претседателството на БиХ со високиот претставник на меѓународната заедница во БиХ Валентин Инцко.
Членовите на Претседателството го повторија ставот дека Претседателството е усогласено во носењето на одлуката која е од интерес за напредокот на БиХ и за исполнување на условите за предавање на барањето за членство во Унијата.
На средбата доминирале теми врзани за политичко-економската ситуација во земјата, а разменети се и мислења за активностите за исполнување на условите за интеграција на БиХ во ЕУ и НАТО, пренесува Фена.
Констатирано е дека постои јасно определување на Претседателството на БиХ да се работи на унапредување на политичко-економската ситуација во земјата.(Крај)
извор:МИА фото:архива
