Сараево, 19.август 2015 (ИНПРЕС) – Исламска држава ѝ испратила заканувачка порака на Босна и Херцеговина, објавена на порталот Сабља истине, кој вчера бил блокиран, пренесува хрватски Индекс.
Порталот почнал да ги објавува пораките на ИСИС откако бил урнат сајтот Вијести Уммета, кој објавил фотографија од наводната егзекуција на киднапираниот Хрват Томислав Салопек и напишал дека „така завршува секој што си игра со Исламска држава“.
-Наскоро ќе има многу за објавување кога заспаните ќелии и борците на Исламска држава почнат да работата во БиХ и пошироко на Балканот. Не сте ни свесни што ви се подготвува. Наскоро ќе ве погоди голема трагедија, ин шаа Алах. Му благодариме на Алах кој им помага на своите искрени робови муџахидите“, ја пренесува пораката босанскиот портал Дневни лист.
Додека не бил урнат пред неколку дена, порталот Вијести Уммета редовно ги објавувал заканите и најавите на Исламска држава.
Терористичката организација пред неколку дена му се заканила и на главниот уредник на порталот Саф Езхер Бегановиќ со отсекување на главата.
И во мај годинава и во БХРТ (радиотелевизијата на БиХ) пристигнала порака со заканувачка содржина.
-Знајте дека во Босна пристигна Исламска држава и дека наскоро ќе летате во воздух и дека наскоро ќе исчезнувате сѐ додека знамето на ИСИС не се вее низ Босна. Зората на исламот пристигна, бидете уверени во тоа, гласела пораката. (Крај)
извор:Индекс фото:архива
