Бројни активности во Охрид по повод Светскиот ден и Неделата на Црвениот крст и Црвената полумесечина

Охрид, 10. мај 2024 (ИНПРЕС) – Под мотото „Да живее хуманоста“ охридскиот Црвен крст го одбележа 8-ми мај-Светскиот ден на Црвениот крст и Црвената полумесечина како и Неделата на Црвениот крст и Црвената полумесечина од 8-ми до 15-ти мај.

Делегација на Црвен крст Охрид и Здружението „Анри Динан“ од Струга, волонтерите од Клуб на млади и од програмата за Грижа за стари лица од Црвен крст Охрид, положија свежо цвеќе пред бистата на Анри Динан, основоположникот на движењето на Црвениот крст.

– Во рамки на активностите поврзани со Светскиот ден на Црвен крст и Црвена полумесечина, беше организиран и прием на деца од ЈОУДГ „Јасна Ристеска“ Охрид, каде од страна на секретарот Мимоза Ставрева беа запознаени со мисијата на Црвениот крст, принципите на движењето и активностите најголемата хуманитарна организација во светот, информираат од Црвениот крст.

Активностите продолжуваат и деновиве со одржување на дисеминациски сесии со најразлични целни групи со цел да се истакне хуманоста и солидарноста како вредности кои треба да се негуваат и практикуваат од мали нозе во текот на целиот живот. (Крај)

извор: ИнПрес фото: архива