Софија, 14. мај 2015 (ИНПРЕС) – Бугарскиот премиер Бојко Борисов во Парламентот изјави дека биле распоредени војници на границата.

Војниците ги зазеле позициите, во случај да дојде до влошување на ситуацијата во Македонија.

Медиумите од земјата јавија дека Борисов истакнал дека се подготвени и специјални пунктови, доколку македонските граѓани со бугарски пасоши при евентуално влошување на ситуацијата одлучат да заминат за Бугарија. Според него, околу 90 илјади Македонци имаат бугарски пасоши. Тој нагласил и дека со загриженост ја следи ситуацијата во Македонија. (Крај)

извор: Р.С.Европа фото: архива