Софија, 28.јули 2015 (ИНПРЕС) – Бугарскиот Национален институт за метеорологија и хидрологија денеска прогласи „жолт метео аларм“ на територијата на цела Бугарија поради очекуваните високи температури.

Бугарската агенција БТА го пренесе соопштението на Институтот дека времето може да биде „потенцијално опасно“, бидејќи иако очекуваните температури не се невообичаени за овој период од годината, сепак потребна е внимателност, посебно при работа на отворено.

Институтот информира и дека водостојот на реките во Бугарија е на ниски нивоа и дека во следните два дена се очекува нивно понатамошно намалување или задржување на сегашните висини.(Крај)

извор:Инпрес фото:архива