Атина, 2. август 2015 (ИНПРЕС) – Владеачката радикална левичарска партија во Грција, СИРИЗА, за во септември закажа вонреден конгрес за да се превенира распад на партијата, откако пратениците од левото крило на партијата гласаа против пакетот мерки на премиерот Аексис Ципрас.

Мерките добија зелено светло со помош на гласовите на опозицијата, што на Грција и го овозможен пакетот помош од 86 милијади евра од кредиторите. 200 членови на централниот комитет на СИРИЗА синоќа по долгата и тензична дебата го усвоија предлогот за конгрес на кој ќе се соочат двете спротивставени партиски струи околу условите под кои Грција ја добива финансиската помош Грција.

Поранешниот министер за енергетика, Панајотис Лафазанис, го обвини Ципрас дека договорот кој го постигна со кредиторите го направил спротивно на она поради што ја добија довербата на изборите во јануари и на референдумот до 5 јули. Лафазанис е тврд застапник на излегување на Грција од еврозоната.

Внатрешниот раскол во СИРИЗА кулминираше синоќа со оставки на 17 членови на централниот комитет со објаснување дека итната постапка со која се свикува конгресот има за цел да овозможи на политиката на омаловажувачкиот договор да продолжи и покрај противењето на илјадници членови на партијата. (Крај)

извор: Kathimerini фото: архива