Белград, 30. јануари 2016 (ИНПРЕС) – Секоја година во Србија се регистрираат по 5.500 новозаболени лица од рак на бели дробови, а просечно по 5.000 лица од двата пола умираат од болеста, што Србија ја става на второ место на листата во Европа по смртност од рак на белите дробови.

За повеќе од 85 отсто од случаите на рак на бели дробови се смета дека се последица на активно или пасивно пушење, се потврди денеска на конференцијата посветена на 31 јануари, Националниот ден без чад од цигари, под слоганот „Секоја цигара пречи“.

Директорот на Институтот за јавно здравје „Батут“, Драган Илиќ укажа дека застапеноста на пушењето во Србија веќе со години е на многу високо ниво, што го покажува и истражувањето на здравјето на жителите од 2013 година, кое покажало оти застапеноста на пушењето кај лицата постари од 18 години изнесува околу 35 проценти.

Илиќ истакна дека честото пушење и изложеноста на чад од цигари доведуваат до бројни последици по здравјето, како што се болестите на срце и крвните садови, малигните заболувања, астма, а последно тешки последици врз бебињата, додаде тој, можат да остават при пушење во бременоста. (Крај)

извор: Сител фото: архива