Белград, 7. септември 2015 (ИНПРЕС) – Неопходно е единствено решение за кризата со мигрантите, изјавил министерот за труд и социјална политика на Србија Александар Вулин, пренесе српската национална телевизија RTS.
Изјавата на Вулин е по повод изјавата на поранешниот претседател на Франција Никола Саркози, според кого треба да бидат создадени прифатни центри за мигранти во Африка, Србија или Бугарија. Според Вулин треба да и се овозможи на Србија да учествува во распределбата на европските фондови за мигрантите, но и да учествува во донесувањето на одлука, а не оваа одлука да и биде наметната.
Тој смета дека решението треба да се бара таму каде што е создаден проблемот – во Сирија и Северна Африка.
– Без мир во овие земји проблемот никогаш нема да биде решен, изјави Вулин. (Крај)
извор: РТС фото: архива