Београд, 30. септември 2014 (ИНПРЕС) – Премиерот на Србија Александар Вучиќ изјави дека припадниците на српската Жандармерија го тепале неговиот брат Андреј, додека тој во рацете ја држел и им ја покажувал личната карта.

Вучиќ изјави дека тоа јасно се гледа на снимката која ја имаат државните органи.

– Имаме снимка на која се гледа како тој ја држи легитимацијата, но за тоа повеќе не сакам да зборувам. Жал ми е само што многу луѓе сега и се радуваат на туѓата несреќа, а оштетениот тоа со ништо не го заслужи, изјави Вучиќ.

Братот на премиерот на Србија Андреј Вучиќ беше претепан во неделата, а денес во изјава за Танјуг демантираше дека одбил да се легитимира, што одредени медиуми го наведоа како причина за тепањето. (Крај)

извор: Б92 фото: архива