Белград, 10.ноември 2015 (ИНПРЕС) – Најблиските соседи на Србија, Македонија и Црна Гора, со гласањето за приемање на Косово во УНЕСКО покажаа дека Приштина за нив е поважна од Белград, изјави вчера српскиот премиер Александар Вучиќ.

Вчера, по предлог на Албанија, се одржа гласањето за прием на Косово во УНЕСКО. Сепак, предлогот не доби мнозинство гласови за да ѝ се придружи на Организацијата за образование, наука и култура на Обединетите нации, пишува Спутник.
– Што се однесува на Македонија и Црна Гора, им се заблагодаруваме. Ќе знаеме да го почитуваме тоа. Ние сакаме добри односи со сите, и ќе умееме да го почитуваме тоа што го направија – тие покажаа дека Приштина им е поважна од Србија, изјави Вучиќ.

Според српскиот премиер, соседите гласале спротивно на очекувањата на Белград.(Крај)

извор:МКД фото:архива