Вучиќ: Отворање на поглавјата 23 и 24 на 19 јули во Брисел

Париз, 5. јули 2016 (ИНПРЕС) – Српскиот премиер Александар Вучиќ изјави во Париз дека Србија добила зелено светло за поглавјата 23 и 24 кои ќе бидат отворени на 19 јули, јави агенцијата „Танјуг“.

Вучиќ, по Самитот на лидери од Западен Балкан во Париз, рече дека Србија сега со поголем оптимизам гледа во иднината и верува дека државата ќе има поддршка од Европската Унија и сама ќе ја заврши таа обврска.

– Германската канцеларка Ангела Меркел ѝ честиташе на Србија и замоли сите да ја поддржат Србија на европскиот пат, а не да ја попречуваат, изјави Вучиќ.

Тој нагласи дека за Србија сега е најважно да се сочува мирот и стабилноста. (Крај)

извор: Плус Инфо фото: архива