Геровасили ги повика Грците за поддршка на Сириза

Атина, 1. септември 2015 (ИНПРЕС) – Портпаролката на Сириза, Олга Геровасили ги повика Грците уште еднаш да и дадат на партијата силен мандат на претстојните избори на 20 септември.

– Силен мандат на влада на Сириза за да се спаси земјата од тешката ситуација во која ја доведоа 40 години лоши политики, изјави Геровасили за едно грчко радио.

Таа истакна дека Сириза нема да соработува со Нова демократија поради тоа што двете партии се различни и идеолошки, и политички, додавајќи дека Сириза „не носи исти оптоварувања“.

Лидерот на Сириза Алексис Ципрас денеска од Крит ќе ја почне неговата изборна кампања на национално ниво. (Крај)

извор: Макфакс фото: архива