Охрид, 30. август 2023 (ИНПРЕС) – Од денеска започнуваат градежни активности за реконструкција на водоводната линија на улица „Анастасија Узунова“.

– Се молат граѓаните што живеат и гравитираат на овој потег од градот да се придржуваат кон времениот сообраќаен режим, додека траат градежните активности, апелираат од Општина Охрид.

Според предвидениот план за работа, од денеска започнуваат градежни активности за реконструкција и на улицата „7-ми Ноември“.

Проектот опфаќа изградба на нова атмосферска канализација, нови тротоарски површини и велосипедски ленти со автентичен материјал (украсен речен камен), спуштање на водовите на кабелските и другите оператори и реконструкција на коловозот. Вредноста на проектот изнесува 39 милиони денари, а изведувач на градежните активности е АД „Илинден“ Струга.

Се молат граѓаните што живеат и гравитираат на овој дел од градот да се придржуваат до новиот сообраќаен режим.

извор: ИнПрес фото: архива