Атина, 26. јануари 2016 (ИНПРЕС) – Грција ќе мора во наредните 6 недели да го намали протокот на мигранти и да ги заштити нејзините надворешни граници, а ако во тоа не успее, тогаш Шенген договорот ќе биде замрзнат во наредните две години.
Ова е дел од онесените предлози на заедничкиот состанок во Амстердам на министрите за правда и за внатрешни работи на земјите членки на ЕУ.
Овој предлог бил од претставниците на Германија, Австрија, Белгија, Шведска и Данска.
Ако ова се случи, ако не се подобри состојбата на надворешните граница, тогаш Грција потпаѓа под изолација, а во наредните две години на македонската граница со Грција ќе се распоредат полициски сили од ЕУ како билатерална помош. За ова ќе треба да се изменат и некои закони, по што силите на Фронтекс ќе можат да се распоредат и на границите на земјите кои не се членки на ЕУ. (Крај)
извор: Макфакс фото: архива