Атина, 14. декември 2015 (ИНПРЕС) – Грчкиот министер за цивилна заштита Никос Тоскас изјави дека Грција прави се што може за да се справи со кризата со миграцијата, која ја опиша како „голем проблем, кој ги надминува грчките граници и границите на Европа“.
Тоскас го посети стадионот за таеквондо во Палио Фалиро, каде изминатиов викенд дојде до тепачки меѓу групи мигранти од разни земји.
– Грција не може повеќе да задржува илјадници мигранти кои доаѓаат во земјата. Нашата земја не може да се справи со тоа, нашата економија не може да се справи со тоа, истакна тој.
Коментарите на Тоскас доаѓаат пред Самитот на лидерите на Европската унија закажан за в четврток и петок на кој прашањето за миграцијата ќе се разгледува заедно со плановите за создавање нови гранични сили на ЕУ, за чие распоредување, за разлика од Фронтекс, нема да треба одобрување од земјите-членки. (Крај)
извор: МИА фото: архива