Денот на Македонската револуционерна борба одбележан во Корча

Елбасан, 23. октомври 2015 (ИНПРЕС) – Претседателот на Македонската Алијанса, Ѓорѓија Џорџ Атанасоски, упати писмена честитка до Македонскиот Културен Центар кој по повод одбележувањето на Денот на Македонската револуционерна борба, во Корча, денес организира Македонски фолклорен фестивал „Сонце 2015“.

– Се заблагодарувам за иницијативата за традиционално одбележување на овој празник преку Фолклорниот фестивал „СОНЦЕ“, кој овозможува ширење на Македонските културни вредности кои се нераскинлив дел од Македонскиот национален идентитет. Ваквите настани се од исклучително значење за Македонците кои живеат и работат на различни континенти. Секој кој го чувствува копнежот да ја види Македонија обединета и силна, го разбира значењето на организираното дејствување на Дијаспората.
За жал, нашата мисија се уште не е завршена. Многу од Нашите браќа и сестри, и во 21 век, не можат да ги уживаат своите основни демократски права, да бидат Македонци, кои говорат Македонски јазик, без разлика каде живеат во моментот, се вели во честитката. (Крај)

извор: Инпрес фото: архива