Додик: Изетбеговиќ сака БиХ да стане шариатска држава

Сараево, 30. јули 2015 (ИНПРЕС) – Членот на колективното претседателство, Бакир Изетбеговиќ е најголемата пречка за сите процеси во земјата и тој сака да стане Босна и Херцеговина шариатска држава, изјавил претседателот на Република Српска, Милорад Додик, цитиран од српската редакција на Телевизија N1.

Во коментар на изјавата на Изетбеговиќ Додик изјави дека како претседател има права и обврски да ги брани овластувањата на Република Српска.

– Изетбеговиќ пред неколку дена изјави дека продолжува со политиката на својот татко. Тоа значи дека треба да бидеме внимателни, бидејќи не сакаме еднонационална Босна и Херцеговина, не сакаме шариатска држава. Нас не интересира Босна и Херцеговина до толку, до колку е предвиден Дејтонскиот договор, изјави Додик. (Крај)

извор: rts фото: архива