Сараево, 16.јуни 2015 (ИНПРЕС) – Претседателот на Република Српска, Милорад Додик, најави дека од шефот на руската дипломатија Сергеј Лавров ќе побара Русија да стави вето на усвојувањето на резолуцијата за Сребреница во Советот за безбедност на Обединетите нации.

Додик, како што пренесува Танјуг, изјавил дека со Лавров ќе се сретна на 18-ти јуни во Санкт Петербург, а во однос на резолуцијата, пак, додал дека таа дополнителни ќе ги зголеми тензиите во Босна и Херцеговина (БиХ).

– Очигледно е дека нема да има заеднички став во Босна околу овој документ, кој има за цел да ги политизира трагедиите и наметнатите квази-вистини за страдањата во Сребреница. Ако се цели на помирување, зошто не се споменат и 3.500 српски жртви, исто така на просторите околу Сребреница, кои настрадаа од Насер Ориќ и неговите луѓе, запрашал Додик.

За него спорна е и точката на резолуцијата за „осудата на негирањето на геноцидот“, која според него има цел да ги натера сите сегашни и идни српски политичари повторно да се извинуваат. (Крај)

извор:Макфакс фото:архива