Охрид, 10. мај 2024 (ИНПРЕС) – Членови на едриличарскиот клуб „Акватика Јахтинг“ од Охрид од денес до недела ќе учествуваат на SEEOOC 2024 – South East European Open Optimist Cup, што се одржува во Палич, Србија.

Боите на Охрид и на клубот ќе ги бранат седум натпреварувачи во класата оптимист.

South East European Optimist Open Cup е едриличарска регата посебно наменета за млади едриличари на возраст од 8 до 15 години од регионот на Југоисточна Европа. Според најавите годинава ќе настапат повеќе од 80 едриличари од Србија, Унгарија, Словачка, Бугарија, Црна Гора, Словенија, Романија и Македонија. (Крај)

извор: ИнПрес фото: архива