Атина, 13. февруари 2015 (ИНПРЕС) – Европската комисија ќе започне со проценка на програмата за финансиска помош за Грција, објави претседателот на ЕК, Жан-Клод Јункер.

Грчкиот премиер Алексис Ципрас се договорил со претседателот на Еврогрупата, претставници на грчката влада да се состанат денес со претставниците на тројката меѓународни кредитори.

Договорот е да се направи техничка оценка на допирните точки меѓу сегашната кредитна програма и плановите на грчката влада.

– Многу се радувам дека премиерот на Грција Алексис Ципрас и претседателот на еврогрупата Јерун Дејселблум се разбраа за потребата да се проучат детално важечките програми и новите идеи на грчката влада, рече Јункер.

Според него, ЕУ и Грција треба да најдат “заеднички пристап” кон финансиската ситуација во земјата. (Крај)

извор: balkaninsight фото: архива