Истанбул, 28. септември 2014 (ИНПРЕС) – Турција не ја исклучува можноста да испрати свои трупи во Сирија, изјави претседателот Реџеп Таип Ердоган во интервју за турскиот весник „Хуриет“.

– Турската армија би можела да помогне во воспоставувањето на зона за безбедност во рамките на меѓународниот договор за бегалците кои се спасуваат од нападите на „Исламската држава“, истакнал Ердоган.

Според него, нападите од воздух се недоволни. Активностите на авијацијата треба да се дополнат со копнени сили, бидејќи без нив не може да има постојан ред.

Досега Турција одбиваше да преземе каков и да е ангажман во рамките на коалицијата која ја создадоа САД против џихадисти од „Исламската држава“, но според турски извори, блиски до власта, оваа недела турското раководство одлучило да ја преиспита својата позиција. (Крај)

извор: Хуриет фото: архива