Атина, 11. септември 2015 (ИНПРЕС) – Коалицијата на радикалната левица (Сириза) има пет проценти предност пред Нова демократија (НД), покажува последната анкета на јавното мислење во пресрет на вонредните парламентарни избори во Грција закажани за 20 септември, што ја објави грчкиот „Весник на уредниците“.

Како што јави дописникот на МИА од Атина, според анкетата, спроведена од 7 до 9 септември од страна на „Про Дата“, Сириза е прва со поддршка од 28,5 отсто од гласачите, по што следат НД со 23,5 отсто, Златна зора со 6,5 отсто, ПАСОК со 4,5 проценти, Потами со четири отсто, Сојузот на центристите со 3,5 проценти и Национално единство и Независни Грци со по 2,5 проценти. Неопределени се 17,5 проценти од Грците. (Крај)

извор: МИА фото: архива