Белград, 20.август 2015 (ИНПРЕС) – Поранешниот телохранител на убиениот српски премиер, Зоран Ѓинѓиќ, Срѓан Бабиќ, веќе пет месеци е заробен во Либија од страна на исламистичката милиција Ел Мајд, под нејасни околности, пишува српски Телеграф.
За него не е баран никаков откуп. Ниту е обвинет за какво било кривично дело, а и понатаму е во заробеништво.
Кога Бабиќ бил приведен му било речено дека тоа е заради негова безбедност, а од тогаш пет месеци е заробен, а дури завчера му е овозможен контакт со семејството.
Бабиќ на јавноста и е познат како човек кој на една снимка по атентатот на Ѓинѓиќ запира автомобили за смртно настраданиот премиер да биде превезен во Ургентниот центар.
По убиството, работел во Министерството за внатрешни работи на Србија и во жандармеријата, од каде е отпуштен.
Во Либија работел како тим лидер во француската компанија АСП, која се занимава со обезбедување и логистика на дипломатски мисии, меѓународни организации, како и на нафтени компании, а работел и во менаџмент тимот кој ја обезбедувал италијанската нафтена компанија ЕНИ во Либија.
Неговата сопруга Весна и синот Страхиња пет месеци живеат во страв, а како изјавуваат за „Политика“, помислувале и дека е убиен.
„Тој е во многу тешка состојба. Вели дека ослабел 20 килограми и дека пет месеци не видел сонце. Го држат во соба без светло и без воздух. Прво ме праша зошто е заробен. Не знаев што да му кажам затоа што ни јас не знам“, вели Весна бабиќ, која додава дека за помош му се обратила и на премиерот Александар Вучиќ и дека очекува ефиканса реакција на ржавата за нејзииот сопруга да се најде на слобода. (Крај)
извор:Телеграф.рс фото:архива
