Белград, 20. август 2014 (ИНПРЕС) – Српските медиуми јавуваат за исчезнувањето на уште едно девојче, по силувањето и убиството на Тијана Јуриќ, настанот кој ја потресе земјата.

14-годишната Ивана Подрашчиќ од Белград се води како исчезната, откако последен пат била видена на 29-ти јули, кога се упатила кон Канарево брдо во Белград.

Информациите за исчезнувањето на Ивана се проширија по социјалните мрежи, а настанот бил пријавен и во полиција, потврдиле за РТС од српската полиција.

– Таткото на девојчето го пријави нејзиното исчезнување и полицијата интензивно работи на нејзино пронаоѓање, велат од српската полиција.

На Фејсбук веќе се отворени неколку групи за исчезнувањето на 14-годишното девојче.

– Последен пат е видена на 29-ти јули, по што и се губи секаква трага. Доколку имате информации за девојчето, пријавете во најблиската Полициска станица, апелираат од српската полиција. (Крај)

извор: РТС фото: архива