Итно опериран лидерот на српските радикали Воислав Шешељ

Белград, 7. мај 2015 (ИНПРЕС) – Лидерот на Српската радикална партија Воислав Шешељ денес бил итно пренесен во болница, по што бил и опериран.

Од неговата партија во овој момент не изнесуваат повеќе детали. Потпретседателот на партијата Немања Шаровиќ за српски „Блиц“ изјавил дека операцијата била веќе завршена.

– Немаме овластување да изнесуваме повеќе детали и следните денови ќе слушнете многу повеќе за неговата здравствена состојба, од него лично, или од неговиот лекарски тим, истакнал Шаровиќ.

Шешељ на 12-ти ноември минатата година, по скоро 12 години, беше пуштен на привремена слобода од страна на Хашкиот трибунал поради неговото нарушено здравје. (Крај)

извор: Блиц фото: архива