Кери во посета на Балканот

Брисел, 2. декември 2015 (ИНПРЕС) – Американскиот државен секретар Џон Кери по денешниот министерски состанок на НАТО во Брисел заминува на балканска турнеја во рамките на која ќе ги посети и Косово, Србија и Грција.

Утре Кери ќе ја посети Приштина каде што, според соопштението, ќе разговара за билатерални и регионални прашања. Утре заминува за Белград на состанок на Министерскиот совет на ОБСЕ, а истиот ден оди на Кипар. На 4 декември Кери во Атина ќе се сретне со грчките лидери. Стејт департментот соопшти дека ова е првата можност на државниот секретар да има билатерална посета во Атина при што ќе разговара со премиерот Алексис Ципрас. Главни теми ќе бидат Кипар и бегалската криза. (Крај)

извор: МКД.мк фото: архива