Белград, 27. ноември 2015 (ИНПРЕС) – Шефовите на дипломатии на САД, Џон Кери, на Русија, Сергеј Лавров и на ЕУ, Федерика Могерина следната недела доаѓаат во Белград каде ќе се одржи Министерскиот совет на ОБСЕ, пренесува РТС.
– За време на Министерскиот совет на ОБСЕ следната недела Белград ќе биде дипломатската престолнина на Европа, истакна министерот за надворешни работи на Србија, Ивица Дачиќ.
На состанокот, како што соопшти тој ќе учествуваат повеќе од 40 министри за надворешни работи, а на маргините од настанот тој најави средба на министрите за надворешни работи на Турција и Русија, во време кога не постои официјална комуникација меѓу двете страни поради тоа што деновиве Турција собори руски авион. (Крај)
извор: Бета фото: архива